Tơnggume: ƯNNGÀI TĔ YÀNG Ngai 29/3/2022
Ngài do, ngài 29/03/2022, Bơta Hòi Dan Kòp Ngai dan jà ală ồng mò oh mi bơtê băl Jơnau Yàng dê kơnòm dê bơta dong kòl mò Debbie Skinner dê bơh tơnggume ƯN NGÀI TĔ YÀNG
Ưnngài tĕ Yàng Jehôwa, bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm! (Đơs crih 118:1)
Bạn đang đọc: Tơnggume: ƯNNGÀI TĔ YÀNG Ngai 29/3/2022
Dùl tòm ală broă kòp ngai kòn ùr añ jê lơh nàng dong kòl hìu nhă hơ ̆ la rào mơngàn. Pơrlai soh ngăn, kung ndròm be ală kơnòm ùr kơnòm klau ndai gơkòl bơh oă broă, dơ ̆ dơ ̆ kòn ùr dềt hŭi lơh broă hala lời ală broă ndai be la đơs tơm bơh tòm điện thoại cảm ứng, hala sền rùp tivi lơh kơryan broă păl lơh khai dê. Gen tŭ hơ ̆, broă añ jê la lơh khai in kah nàng khai ò hŭi broă tòm khai dê. Rềp rlau jơh, tơnơ ̆ mơ tŭ añ neh tơngkah, kòn ùr neh đơs wơl “ Dilah mè ò tơngkah gen kòn kung git is gơ dê ”. Khai neh gơlik gơs cau git gơnoar broă rlau mơ broă tòm hiu nhă, mơya ngan gơ dê la kung gơs tŭ ală mơngàn oă ngăn gen kung păl càng bơta “ tơngkah êt ” .Lọt găn bơta neh gơlik gơs añ jê, añ kơlôi lah kòp nă bol he kung păl càng gơs cau tơngkah. Bơh nùs kơ ̆ dơn dờng ơnàng, Yàng Tom Trồ neh lòi wơl ală bơta bơtô sồr, ală bơta bơtê tòm Sră Goh nàng tề lăm rài kis bol he. Yàng Tom Trồ là Bèp Hơđăng Trồ wil tơl, bềng lìu bơta kòñ gơboh, gen tàng neh ngui jơnau Kơnràñ dê nàng ai bol he in la ală kòn kòñ gơboh Kơnràñ dê bơta tơngkah păl càng ngăn. Kơnràñ đơs wơl oă dơ ̆ ală jơnau mơ sèng jơnau tòm Sră Goh nàng dong bol he kah ală bơta bol he òs hŭi .Añ găm ò hềt jòi bàn jơnau bơto tơngkah lơi tòm Sră Goh bơto bơh bơta “ rào mơngàn ” nàng rgơi đơs mơ kòn ùr añ jê, mơya gơs dô sèng jơnau đơs wơl pơgăp 20 dơ ̆ tòm Sră Goh lơh añ in pal kah kơlôi tus, hơ ̆ là Ưnngài tĕ Yàng JehôwaGơs dô ngai, añ ơn nùs nàng kơlôi sơnơng ñchi bơh tài Yàng sồr bol he păl ưnngài ? Ñchi bơh tài Kơnràñ pal tơngkah bol he păl pit ưnngài Kơnràñ ? Tŭ kơlôi tus broă rào mơngàn hiu nhă dê gen añ dòp git lah : hơ ̆ la tài bơh bol he òs hŭi !
Tòm bơta yal yau bơh bơta Yàng Jesu sơmbòi 10 nă cau kòp dun geh cih tòm Luka 17:11-19, bol he sền gŏ ală cau dọ kòñ lọt tus, jơh nùs rac ròc dăn Kơnràñ dong kòl, mơya tơnơ̆ mơ tŭ neh geh sơmbòi gen mìng gơs dô nă cau rê wơl nàng unngài Yàng. Yàng Jesu lùp dô bă kràñ cê lah: “Ò di jơt nă cau neh gơs goh ơ? Ntềng đah sin nă tai taih?” Moat jrùng ngăn ò git lơh tŭ Yàng Jesu dờp jơt jơnau ràc dan dong kòl mơya mìng gơs dô nă rê wơl “ưnngài” gan dê broă “ai jơnau driau dờng jòng ro Yàng Tom Trồ”. Kung be sin nă cau kop dun ò git unngài ne, jơh bol he kung mhăr hŭi bơta ưnngài Yàng.
Xem thêm: Chuyển mạch – Wikipedia tiếng Việt
Yàng Tom Trồ là Bơtau lơbơn niam mơ sùm rcang sir bol he in ală bơta păl càng tòm rài kis. Kơnràñ rcang sir bol he in ală bơta păl càng đah poàc să be la piang sa, ào soh, hìu đam. Kơnràñ ai bol he in bơta kòñ gơboh găn dê bơta gơtòm klac hiu nhă, gơp bơyô. Konràñ sơmbòi ală bơta jê sồt, lơh gơtòm sòr wơl ală bơta gơtomklac neh bơcah lề .Mơya tòm Đơs crih 118, Bơtau Dabit ai tơnggit dô pơnah dờng rlau jơh bơh bơta ñchi bơh tài Yàng Tom Trồ di păl mơ bơta ưnngài bol he dê. Hơ ̆ la bơh “ Bơta kòñ gơboh kơ ̆ dơn Kơnràñ dê gam sùm sùm ! ”Sèng dọ geh đơs wơl 40 dơ ̆ tòm Sră Goh mơ ràng tơlik jơnau gơtha jrô ndơp crih crài. Nùs kơ ̆ dơn Yàng dê la dô bơta kòñ gơboh găm sùm sùm, ò tòmgơl jat nùs nhơm cau dờp rò dê. Nùs kơ ̆ dơn Yàng găm kơ ̆ cê sùm, pràn kơldăng digùl ală bơta kăl ke. Nùs kơ ̆ dơn Yàng kong ơt lòt găn ală bơta gơlòng mơ ò tŭ lơi săng lòi. Nùs kơ ̆ dơn Yàng la bơta ràng tơlik dô bơta kòñ gơboh crih crai dê mơ Yàng ai bol he in. Ngăn, găm gơs bơta lơi niam rlau, dipăl rlau mơ nùs kơ ̆ dơn Yàng dê nàng bol he ai jơnau ưnngài hala ò ?
Dan jà bol he dô nùs bal tòm bơta hòi dan: Kòn ưnngai Yàng bơh Kơnràñ là niam, Bơta kòñ gơboh kơ̆ dơn Kơnràñ dê gam sùm sùm. Kơp kòñ kòp ngai tòm rài kis kòn dê ò tŭ lơi hŭi bơta nđàc Yàng dê, mơ kis ràng tơlik nùs nhơm git ưnngai găn dê bơta tơryang tơryồng duh broă Yàng. Kòn ai sơnđăn Yang Jesu Krist, hòi dăn mơ Yang Bèp, Amen.
Ơ ală ồng mò oh mi kòñ gơboh, ală ngai neh lọt găn gơs tŭ lơi bol he hŭi nđàc Yàng dê hala ò ? Kờp kòñ gan dê bơta bơtê ngai do bol he rgơi kơlôi sơnơng tus ală bơta lơngai mơ Yàng neh lơh tòm rài kis bol hê dê mơ ơn jơnau ưnngai Yàng, tŭ do tơn mơ kòp tŭ jơ tòm rài kis .Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng !
Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ ̆ tòm tiah hơđơm do, hala cih tòm fanpage Facebook dê, hala pơyoa email tus dê : [ email protected ]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi .
Source: https://suachuatulanh.edu.vn
Category : Điện Tử
